1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

PYONGYANG: Korea ya Kaskazini yafunga kinu cha nyuklia

Wakaguzi wa Umoja wa Mataifa wanajiandaa kuhakikisha tangazo la Korea ya Kaskazini kuwa imeufunga mtambo wake wa nyuklia wa Yongbyon. Mjumbe mkuu wa Marekani,Christopher Hill akikaribisha hatua hiyo kwa hadhari amesema huo ni mwanzo wa kupunguza silaha.Wakati huo huo msemaji wa wizara ya nje ya Marekani,Sean McCormack amesema,Washington inangojea hatua itakayofuata ambapo Korea ya Kaskazini inatazamiwa kuitangaza miradi yake yote ya nyuklia na kusitisha ile iliyopo hivi sasa.Siku ya Jumamosi,Korea ya Kaskazini ilipokea tani 6,200 za mafuta.Hatua zingine zinatazamiwa kukamilishwa siku ya Jumatano mjini Beijing wakati wa majadiliano ya pande sita,zikiwepo Korea zote mbili,Marekani,China,Japani na Urusi.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com