1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

PESHAWAR: Mripuko wa bomu umeua 25 Pakistan

Hadi watu 25 wameuawa mjini Peshawar,kaskazini-magharibi ya Pakistan katika shambulio la bomu, ikidhaniwa kuwa limefanywa na mwanamgambo aliejitolea muhanga.Miongoni mwa wale waliouawa ni wanawake wawili na mtoto mmoja.Zaidi ya watu dazeni mbili pia walijeruhiwa katika mripuko huo wa bomu uliotokea kwenye ukumbi wa chakula katika hoteli inayomilikiwa na Muafghanistan.Mashahidi wamesema baadhi kubwa ya watu waliouawa au kujeruhiwa ni raia wa Afghanistan.Hakuna aliedai kuhusika na shambulizi hilo.Vile vile haijulikani ikiwa shambulio hilo linahusika na mapambano yaliyozuka mwishoni mwa juma kati ya wafuasi wa serikali na wanaharakati wa upinzani,katika mji wa Karachi,kusini mwa nchi.Watu 40 waliuawa katika machafuko hayo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com