1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

PARIS.Vyombo vya usalama vyaonya kuwa huenda machaffuko yakazuka upya

Polisi na vyombo vya usalama nchini Ufaransa vimeonya kuwa huenda machafuko yakazuka upya katika maeneo duni yanayoishi raia wengi wa kigeni katika vitongoji vya mji wa Paris.

Gazeti la kila siku la Le Figaro limechapisha waraka wa siri mwaka mmoja baada ya Ufaransa kukumbwa na wiki tatu za machafuko na ghasia katika vitongoji kadhaa vya mji wa Paris.

Waraka huo umeeleza kuwa sababu zilizochochea ghasia za mwaka uliopita bado hazijasuluhishwa.

Watetezi wa haki za binadamu wanasema kuwa sababu kubwa zilizochochea machafuko ni umasikini, ukosefu wa ajira na ubaguzi.

Siku mbili zilizopita vijana walilichoma moto basi nje ya mji wa Paris na waliwapiga kwa mawe polisi na wazima maoto waliofika katika sehemu ya tukio.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com