1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

PARIS: Kouchner aomba radhi

Waziri wa mashauri ya kigeni wa Ufaransa, Bernard Kouchner, ameomba radhi hadharani hii leo kwa kuyaingilia maswala ya ndani ya Irak.

Wakati wa ziara yake mjini Baghdad kati ya tarehe 19 na 21 mwezi huu, Kouchner alipendekeza waziri mkuu wa Irak, Nuri al Maliki ajiuzulu.

Al Maliki jana aliitaka serikali ya Ufaransa iombe rasmi msamaha baada ya waziri Kouchner kuashiria katika toleo la jarida la Newsweek la Marekani kwamba waziri mkuu huyo wa kishia analazimika kuondoka madarakani.

Sambamba na hayo, waziri mkuu wa zamani wa Irak, Ayad Allawi, ametoa mwito kuundwe serikali mpya nchini Irak. Allawi amesema serikali ya sasa inayoongozwa na waziri mkuu, Nuri al Maliki, imeshindwa kumaliza machafuko.

´Kwa kweli sina shaka ikiwa ni mtu mzuri au la. Lakini natilia shaka mfumo wa makundi ya waasi au ukabila kwa kujaribu kupuuza mambo muhimu ambayo rais George W Bush na bunge la Congress linataka yatekelezwe na serikali ya Irak na sioni serikali hii ikiyatekeleza mambo hayo.´

Ayyad Allawi amesema anataka anataka kuikoa Irak na kazi inayofanywa na Marekani nchini humo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com