1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

NEW YORK: Vikwazo vipya dhidi ya Iran

Baraza la Usalama la Umoja wa Mataifa kwa kauli moja limeidhinisha vikwazo vipya dhidi ya Iran inayokataa kusitisha mradi wake wa kurutubisha madini ya uranium.Balozi wa Uingereza,Sir Emyr Jones Parry alipozungumza kwa niaba ya nchi sita zilizopendekeza azimio hilo,alisisitiza azma yao ya kutaka kufanya majadiliano pamoja na Iran. Vikwazo hivi vipya vinazuia kufanya biashara ya silaha na Iran;hulenga benki ya taifa ya Iran-Bank Sepah na vile vile wakuu wa Walinzi wa Mapinduzi.Vikwazo hivi vinafuata azimio lililopitishwa Desemba mwaka jana,kupiga marufuku biashara inayohusika na zana za kinyuklia pamoja na makombora.Vile vile pesa za watu binafsi na za taasisi zilizohusika na miradi ya nyuklia zimezuiliwa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com