1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

NEW YORK: Jumuiya ya kimataifa yatafakari hatua dhidi ya Korea ya Kaskazini

Jumuiya ya kimataifa inatafakari hatua mujarabu za kuchukua dhidi ya Korea ya Kaskazini kufuatia hatua ya nchi hiyo kufanya jaribio la silaha za nyuklia.

Lakini China, rafiki mkubwa wa Korea ya Kaskazini , imepinga wazo la kuchukua hatua za kijeshi dhidi ya nchi hiyo.Korea ya Kusini pia inapinga wazo hilo.

Hatahivyo China imesema huenda ikawa tayari kuunga mkono vikwazo vya kiuchumi .

Baraza la Usalama la Umoja wa Mataifa linajadili mswada wa azimio uliowasilishwa na Marekani unaolenga shabaha ya kudhibiti mipango ya nyuklia ya Korea ya Kaskazini.

Marekani inataka nchi hiyo iwekewe vikwazo vya silaha, biashara na fedha.

Urusi ambayo pia inapinga wazo la kuchukua hatua za kijeshi dhidi ya Korea ya Kaskazini imetoa mwito kwa nchi hiyo irejee kwenye mazungumzo na jumuiya ya kimataifa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com