1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

NEW YORK : Gambari auonya utawala wa Myanmar

Uingereza,Ufaransa na Marekani zimesambaza rasimu ya taarifa kwa Baraza la Usalama la Umoja wa Mataifa yenye kutaka utawala wa kijeshi wa Myanmar kuwaachilia huru wafungwa wa kisiasa na kuzungumza na upinzani.

Mjumbe wa Umoja wa Mataifa Ibrahim Gambari akiwa na kiongozi wa upinzani alioko kizuizini Aung San Suu Kyi wakati alipotembelea Myanmar hivi karibuni.

Mjumbe wa Umoja wa Mataifa Ibrahim Gambari akiwa na kiongozi wa upinzani alioko kizuizini Aung San Suu Kyi wakati alipotembelea Myanmar hivi karibuni.

Mjumbe wa maalum wa Umoja wa Mataifa kwa Myanmar Ibrahim Gambari ameuonya utawala wa kijeshi wa nchi hiyo juu ya taathira nzito za kimataifa kutokana na ukandamizaji wao wa maandamano ya kudai demokrasia.

Gambari amesema dunia sio ile ilivyokuwa miaka 20 iliopita na hakuna nchi itakayoweza kujifanyia itakvyo kwa kupuuza kanuni ambazo zinatekelezwa na nchi zote wanachama wa jumuiya ya kimataifa kwa hiyo ni muhimu kwa uongozi wa Myanmar kutambuwa kwamba kile kinachotokea ndani ya nchi yao kinaweza kuwa na taathira mbaya ya kimataifa.

Gambari pia ameelezea matumaini fulani ya kufanyika kwa mazungumzo kati ya kiongozi wa upinzani alioko kizuizini Aung San Suu Kyi na utawala wa kijeshi.

Jumuiya ya mataifa ya kusini mashariki mwa Asia ASEAN imeliambia Baraza la Usalama la Umoja wa Mataifa kwamba ufumbuzi wa amani wa mzozo wa Myanmar lazima ujumuishe wanajeshi.

Wanaharakati wanaadamana leo hii katika miji ya Asia na kwengineko duniani kupinga hatua ya utawala wa kijeshi wa Myanmar kuvunja kwa kutumia nguvu maandamano ya upinzani ambapo watu kadhaa wameuwawa wengine kujeruhiwa na mamia kutiwa mbaroni.

  • Tarehe 06.10.2007
  • Mwandishi Mohamed Dahman
  • Chapisha Chapisha ukurasa huu
  • Kiungo http://p.dw.com/p/C783
  • Tarehe 06.10.2007
  • Mwandishi Mohamed Dahman
  • Chapisha Chapisha ukurasa huu
  • Kiungo http://p.dw.com/p/C783

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com