1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Nchi za Ulaya ziwajibike zaidi Afghanistan

Katibu mmkuu wa jumuia ya kujihami ya NATO ahimiza Marekani isiachwe peke yake Afghanistan

Berlin:


Katibu mkuu wa jumuia ya kujihami ya NATO,Jaap de Hoop Scheffer,ametoa mwito nchi za Ulaya ziwajibike kwa nguvu zaidi nchini Afghanistan. Katibu mkuu Jaap de Hoop Scheffer ametoa mwito huo siku chache tuu kabla ya mkutano wa kilele wa jumuia hiyo mijini Strassburg nchini Ufaransa na Baden Baden nchini Ujerumani.Katika mahojiano na gazeti la Ujerumani "Bild am Sonntag" katibu mkuu huyo wa jumuia ya kujihami ya NATO, amesema tunamnukuu "kuwaachia wamarekani peke yao haitoshi"-mwisho wa kumnukuu Jaap de Hoop Scheffer aliyesisitiza nchi za Ulaya pia zinastahiki kuwajibika zaidi kijeshi au katika sekta za maendeleo ya jamii."Ujerumani inachangia,"anasema na kutaraji nchi nyengine pia zitafuata mfano huo.Ijumaa iliyopita rais Barack Obama wa Marekani alitangaza mkakati mpya wa nchi yake kwa Afghanistan.Mkakati huo unatilia mkazo umuhimu wa kuizidishwa idadi ya wanajeshi,kuimarishwa ushirikiano wa kimataifa na kupatiwa mafunzo vikosi vya usalama vya Afghanistan.Rais Barack Obama anapanga kuutetea mkakati huo wakati wa mkutano wa kilele wa jumuia ya kujihami ya NATO April tatu na nne ijayo mijini Strassburg na Baden Baden.

  • Tarehe 29.03.2009
  • Mwandishi Oumilkher Hamidou
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/HM9o
  • Tarehe 29.03.2009
  • Mwandishi Oumilkher Hamidou
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/HM9o

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com