1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

NAIROBI:Wabunge kupata kifuta jasho cha milioni 1.4

Polisi nchini Kenya wamefyatua gesi ya machozi kuwatawanya waandamanaji wanaopinga kifuta jasho kinachopangwa kupewa wabunge kabla ya muhula wao kukamilika mwezi Disemba.Waandamanaji wanaongozwa na Shirika La Kisheria linalopambana na Ufisadi walijaribu kufika katika maeneo ya majengo ya bunge huku wakipiga mbinja na kubeba mabango yanayopinga hatua hiyo.Wabunge hao wanatarajiwa kupata shilingi bilioni 1.4 za Kenya za ziada kabla uchaguzi kufanyika mwishoni mwa mwaka huu.

Polisi walifunga barabara iliyoko nje ya majengo ya bunge na kufyatua gesi ya machozi ili kutawanya kundi la waandamanaji.Viongozi 5 wa maandamano hayo walikamatwa na kuzuiliwa kwenye kituo cha polisi cha majengo ya bunge.

Mwaka 2003 wabunge walijiongezea kiwango cha mshahara kwa mara nne mara tu baada ya kushika wadhifa huo.Chini ya mpango huo mpya endapo mswada huo utapitishwa bungeni wabunge hao wanatarajiwa kupokea asilimia 12 u nusu ya pato la mwaka mzima kuanzia mwaka 2003.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com