1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

NAIROBI : Mkutano wa maziwa makuu wafunguliwa

Licha ya mafanikio ya kidemokrasia ya hivi karibuni katika nchi za Maziwa Makuu barani Afrika mengi bado yanahitajika kufanywa kulinda usalama na maendeleo katika mojawapo ya maeneo yenye umwagaji mkubwa wa damu duniani.

Eneo hilo la kimaskini ambalo miongoni mwa nchi inazozijumuisha ni pamoja na Uganda,Rwanda,Burundi na Jamhuri ya Kidemokrasi ya Congo limekuwa kwenye matatizo ya umwagaji damu tokea mauaji ya kimbari ya Rwanda ya mwaka 1994 ambayo nayo yamechochea vita kadhaa na vile vya kujibu mapigo.

Marais sita wa Afrika wako nchini Kenya kwa mazungumzo hayo juu ya usalama,utawala bora na maendeleo ya kiuchumi wamepongeza chaguzi za kihistoria katika Jamhuri ya Kidemokrasi ya Congo na utulivu nchini Burundi kufuatia kipindi cha vita.

Rais Jakaya Kikwete aliufunguwa mkutano huo akiwa na matumaini makubwa.Marais wengine waliohudhuria mkutano huo ni wenyeji Kenya, Uganda, Burundi,Congo,Zambia na waziri mkuu wa Rwanda.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com