1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

NAIROBI: Mawaziri wa ulinzi wajadili kuundwa kikosi cha usalama

Mawaziri wa ulinzi wa nchi za Afrika Mashariki wamekutana leo mjini Nairobi Kenya kujadili kikosi cha kanda hiyo kwa ajili ya kikosi cha Umoja wa Afrika kilichoundwa mnamo mwaka 2004.

Licha ya kikosi hicho kuanzishwa rasmi wakati huo, mpaka sasa bado hakijaanza kufanya kazi kutokana na upungufu wa fedha.

Makamanda wa jeshi kutoka nchi 13 wamejadili kikosi cha Afrika Mashariki kitakachokuwa na wanajeshi 3,000. Kikosi hicho kitakuwa na kazi ya kukabiliana na mizozo ya kivita na majanga asili.

Rais wa Kenya, Mwai Kibaki, ameliambia baraza la mawaziri wa ulinzi na usalama wa eneo la Afrika Mashariki wafanye haraka kukamilisha kikosi hicho kinachohitajika kwa dharura.

Aidha rais Kibaki amewatolea mwito wahisani wasaidie kutoa dola milioni 2.5 kwa ajili ya kikosi hicho.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com