1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Nairobi. Kibaki akataa ongezeko la mshahara.

Rais wa Kenya Mwai Kibaki amekataa jana kuongezwa mshahara karibu mara tatu hatua ambayo ilizusha upinzani katika nchi hiyo ya Afrika mashariki ambapo watu wengi wanaishi kwa pato la chini ya dola moja kwa siku na ulaji rushwa umekithiri.

Bunge lilimpatia rais Kibaki ongezeko la mshahara la asilimia 186, ambalo lingemfanya kuwa mmoja kati ya viongozi wanaolipwa mshahara mkubwa zaidi katika Afrika na mwenye pato kubwa zaidi kuliko wengi wa viongozi wa mataifa ya magharibi.

Kama ongezeko hilo lingetekelezwa mshahara wa mwezi wa Kibaki ungefikia kiasi cha karibu dola 30,000 kwa mwezi akiwa pia na marupurupu ya dola 18,600.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com