1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

NAIROBI : Itifaki ya Kyoto kuchambuliwa upya

Mkutano wa Umoja wa Mataifa wa mabadiliko ya hali ya hewa umemalizika katika mji mkuu wa Kenya Nairobi hapo jana kwa makubaliano ya kuchambuwa upya vifungu vya Itifaki ya Kyoto hapo mwaka 2008.

Itifaki ya Koyoto muda wake unatarajiwa kumalizika hapo mwaka 2012.Makundi ya mazingira kama vile Green peace na Marafiki wa Dunia pamoja na baadhi ya wajumbe wa Afrika wameelezea kukatishwa tamaa kwao kwamba mazungumzo hayo ya wiki mbili yameshindwa kufanikisha mambo mengi.

Mawaziri wa mazingira waliohudhuria mkutano huo akiwemo waziri wa mazingira wa Ujerumani Sigmar Gabriel pia wamekubali kuzishajiisha nchi za kitajiri kusaidia kugharamia upunguzaji wa utowaji wa gesi zenye kuathiri mazingira barani Afrika.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com