1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Mwanzo mpya nchini Cote I'voire baada ya Gbagbo kukamatwa

Laurent Gbagbo sasa yupo chini ya ulinzi wa Umoja wa Mataifa

default

Aliekuwa Rais wa Cote I'voire Laurent Gbagbo, sasa amekamatwa

Aliekuwa anang'ang'ania madaraka ya Urais nchini Cote Ivoire Laurent Gbabgo amejisalimisha baada ya makao yake kushambuliwa na majeshi ya Ufaransa, na ya Alassane Ouattara ,anaetambuliwa na jumuiya kimataifa kuwa Rais wa Cote Ivoire.

Gbagbo sasa amewekwa chini ya ulinzi wa Umoja wa Mataifa.Gbagbo alikamatwa ndani ya handaki ambamo alikuwa amejificha. Mwanasiasa huyo alikataa kuondoka madarakani licha ya kushindwa katika uchaguzi wa Urais uliofanyika mwezi desemba mwaka jana nchini Cote Ivoire.

Muda mfupi baada ya Gbagbo kukamatwa, Ouattara anaetambuliwa kuwa Rais alisema kuwa aliamrisha uchunguzi juu ya matendo ya Gbagbo.Ouattara amesema Gbagbo, mkewe na washirika wake watafanyiwa uchunguzi na idara za sheria.Ouattara pia ametoa mwito wa kuleta maridhiano nchini.

Juu ya kukamatwa kwa Gbagbo ,waziri wa mambo ya nje wa Ujerumani Guido Westerwelle amesema ,anatumia kuwa vita vya wenyewe kwa wenyewe sasa vitamalizika nchini Cote Ivoire na kwamba patakuwa na mwanzo mpya wa kidemokrasia.

  • Tarehe 12.04.2011
  • Mwandishi Abdu Said Mtullya
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10rgR
  • Tarehe 12.04.2011
  • Mwandishi Abdu Said Mtullya
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/10rgR

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com