1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MUNICH : Larijani kuhudhuria mkutano wa usalama

Msuluhishi mkuu wa masuala ya nuklea wa Iran atahudhuria mkutano wa usalama wa ngazi juu mjini Munich Ujerumani mwishoni mwa juma hili.

Hapo jana ilielezwa kwamba Ali Larijani hatohudhuria mkutano huo kutokana na kuuguwa lakini waandalizi wa mkutano huo wa Kimataifa wa Usalama wamesema Larijani sasa atahudhuria mkutano huo unaoanza leo.

Waziri wa mambo ya nje wa Ujerumani Frank Walter Steinmeir na mkuu wa sera za kigeni wa Umoja wa Ulaya Havier Solana wanatazamiwa kuwa na mazungumzo yasio rasmi na Larijani kuhusu mpango tata wa nuklea wa Iran.Hii itakuwa mara ya kwanza mjumbe huyo wa Iran kukutana na maafisa wa mataifa ya magharibi tokea Umoja wa Mataifa kuiwekea vikwazo nchi hiyo hapo mwezi wa Desemba.

Kutokana na vikwazo hivyo Shirika la Kimataifa la Nishati ya Atomu limekata takriban kwa nusu miradi yake ya misaada ya kiufundi kwa Iran.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com