1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MOSCOW: Russia yaanza tena kusambaza mafuta yake kwa nchi za ulaya magharibi.

Mafuta ya Russia yameanza tena kupitishiwa nchini Belarusia kuelekea mataifa ya Ulaya Magharibi.

Hayo yamethibitishwa na serikali zote mbili.

Maafisa wa Umoja wa Ulaya walielezea kufadhaishwa na Russia pamoja na Belarusia kwa hatua ya kukatiza usambazaji wa mafuta hasa kwa kuwa Umoja huo haukutahadharishwa mapema.

Hapo awali Kamishna wa Nishati wa Umoja huo, Andris Piebalgs, aliwaambia waandishi wa habari mjini Brussels kwamba matatizo hayakuwa yametanzuliwa ipasavyo hata baada ya mkutano kati yao na balozi wa Russia wa Umoja huo.

Serikali ya Russia ilisitisha usambazaji wa mafuta kupitia bomba la Druzhba siku ya Jumapili kwa madai kwamba Belarusia ilikuwa ikijipatia mafuta hayo kwa njia ya udanganyifu.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com