1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MOGADISHU: Wanajeshi wa kulinda amani wawasili

Kikosi cha kwanza cha wanajeshi wa Umoja wa Afrika kutoka Uganda kimewasili leo mjini Mogadishu nchini Somalia kuanza kibarua chao kigumu cha kulinda amani nchini humo.

Wanajeshi hao ni sehemu ya jeshi la Umoja wa Afrika litakalokuwa na wanajeshi 8,000 lenye lengo la kuilinda serikali dhaifu ya mpito ya Somalia na kuwapa nafasi wanajeshi wa Ethiopia waondoke Somalia.

Ndege nne za kubeba mizigo zilizowabeba wanajeshi hao zilitua katika uwanja wa ndege wa kimataifa wa Mogadishu chini ya ulinzi mkali.

Wanajeshi hao wamelakiwa na maafisa wa serikali ya mpito ya Somalia na wababe wa kivita wanaoudhibiti mji mkuu Mogadishu.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com