1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MOGADISHU : Msako mkubwa wa silaha

Wanajeshi wa Somalia kwa kushirikliana na wale wa Ethiopia leo hii wameingia kwenye soko kuu la Mogadishu kusaka silaha katika jaribio la kukomesha uasi katika mji mkuu huo.

Msako huo wa nyumba hadi nyumba unakuja ikiwa ni siku moja baada ya serikali kufunga soko hilo kubwa la Bakar linaloaminika kuwa ni maficho ya waasi wa itikadi kali za Kiislam ambao wamekuwa wakishambulia mfululizo maeneo ya seikali.

Kwa mujibu wa makadirio watu 60 wengi wao wakiwa ni raia wameuwawa tokea Alhamisi katika mapambano makali kabisa mjini Mogadishu kuwahi kushuhudiwa tokea mwezi wa April wakati vikosi vya Ethiopia vilipowatimuwa wapiganaji wa itikadi kali za Kiislam mjini humo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com