1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Mkutano wa wafadhili kwa ajili ya Ukanda wa Gaza.

Wajumbe kutoka nchi zaidi ya 70 wanahudhuria mkutano wa wafadhili nchini Misri kwa ajili ya ujenzi mpya wa Ukanda wa Gaza.

default

Wafadhili wajadili mpango wa kuujenga upya Ukanda wa Gaza.

Wajumbe kutoka nchi zaidi ya70 wanakutana Scharm el-Sheikh kujadili mpango wa kuujenga upya Ukanda wa Gaza.

Hatahivyo wafadhili wanakabiliwa na swali muhimu. Ni nani anaestahili kupewa fedha kwa ajili ya ujenzi huo mpya.?

Akizungumza katika ufunguzi wa mkutano huo wa wafadhili wa kimataifa ,unaofanyika kwenye kitongoji cha Sharm al- Sheikh nchini Misri, katibu mkuu wa Umoja wa Mataifa Ban Ki-moon ametoa mwito wa kuchukuliwa hatua mara moja.Amesema lazima ujenzi mpya uanze mara moja na amani ya kudumu irejeshwe baina ya Israel na wapalestina.Ametamka kuwa watu wa Gaza hawawezi kuendelea kusubiri.

Katika juhudi za kuujenga upya Ukanda wa Gaza , nchi za Umoja wa Ulaya zimeahidi kutenga Euro nusu bilioni. Marekani imesema itatenga dola milioni 900 na waziri wa mambo ya nje wa Ujerumani Frank Walter Steinmeier anaratajiwa kuahidi mchango wa Euro milioni 100.

Lakini wafadhili wanakabiliwa na swali muhimu-ni nani anaestahili kupewa fedha hizo kwa ajili ya kuijenga upya Gaza.

Akizungumza kwenye mkutano huo wa Sharm al-Sheikh ,rais wa Mamlaka ya Palestina Mahmoud Abbas amesema serikali yake imefafanua mpango wa kuujenga upya Ukanda wa Gaza utakaoinua uchumi wa sehemu hiyo.Bwana Abbas ameeleza kuwa wapalestina hawana njia nyingine ili kukubliana kufikia maridhiano.Ametamka kuwa wapalestina wapo tayari kumaliza tofauti zao na kutangaza serikali ya umoja ili kuweza kutayarisha uchaguzi mkuu mwezi januari mwaka ujao.

Hatahiyvo msemaji wa Hamas Fawzi Barhum ametoa mwito juu ya kujengwa upya kwa Ukanda wa Gaza lakini ameitaka jumuiya ya kimataifa isiegemee upande wowote.

Israel,Marekani na Umoja wa Ulaya zimesema msaada utakaotolewa lazima upitishiwe kwa mamlaka ya Palestina ya rais Mahmoud Abbas anaeungwa mkono na nchi za magharibi.








  • Tarehe 02.03.2009
  • Mwandishi Abdu Said Mtullya
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/H410
  • Tarehe 02.03.2009
  • Mwandishi Abdu Said Mtullya
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/H410

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com