1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Mkutano wa kujadili utoaji misaada ya kiutu

Viongozi wa dunia pamoja na mashirika muhimu yasiyokuwa ya kiserikali NGOs wanakusanyika mjini Istanbul Jumatantu(23.05.2016) kwa mkutano wenye lengo la kujadili jinsi ya kushughulikia utoaji wa misaada ya kiutu.

Türkei Edirne Flüchtlinge

Wakimbizi wa Syria nchini Uturuki wamejipanga kupata chakula

Mkutano huo unasimamiwa na Umoja wa Mataifa na utaangalia jinsi ya kubadilisha hatua zinazochukuliwa na dunia katika mizozo licha ya kwamba kuna shaka mazungumzo hayo yataleta athari ndogo.

Türkei Syrische Flüchtlinge

Wakimbizi wa Syria nchini Uturuki

Kukiwa na takriban watu wanaokadiriwa kufikia milioni 60 ambao wamekimbia makaazi yao duniani kote na mizozo na mabadiliko ya tabia nchi yakitishia kuleta kitisho zaidi, kuna makubaliano miongoni mwa serikali na mashirika ya kutoa misaada kwamba mfumo wa sasa wa utoaji misaada ya kiutu unahitajika kwa haraka sana kufanyiwa mabadiliko.

Lakini washiriki wa mkutano huo wa kilele watahitaji kuondoa shaka zilizojikita kuhusiana na uwezo wa mkutano huo kufikia malengo yake, na sio kuwa kama kijiwe kingine cha kimataifa cha kuzungumzia masuala ya ambayo hayapatiwi ufumbuzi.

Syrien Jordanien Grenze Flüchtlinge warten

Wakimbizi wa Syria katika mpaka kati ya Syria na Lebanon

MSF yajitoa

Shirika la madaktari wasio na mipaka MSF limejitoa katika mkutano huo, likihofia kuwa mkutano huo utakuwa hauna maana , kwasababu ya kukosa kuchukuliwa hatua na viongozi wa dunia.

Uchaguzi wa mji wa Istanbul ni ishara , kwa kuwa Uturuki yenyewe inawahifadhi kiasi ya wakimbizi milioni 2.7 kati ya wakimbizi wanaokadiriwa kufikia milioni 4.84 ambao wamekimbia mzozo nchini Syria.

Iwapo wajumbe watatoka nje kidogo ya vizuwizi vya usalama vinavyotengani eneo la fahari la mkutano huo , wataona nyuso zenye fadhaa za wakimbizi wa Syria wakiomba na kuuza bidhaa zenye thamani ya chini katika mitaa mingi ya Istanbul.

Afghanistan Ärzte ohne Grenzen Krankenhaus in Kundus

Hospitali inayoendeshwa na shirika la madaktari wasio na mipaka nchini Afghanistan

Lakini viongozi 60 duniani wanaotarajiwa kuhudhuria mkutano huo ikiwa ni pamoja na rais wa Uturuki Recep Tayyip Erdogan , kansela wa Ujerumani Angel Merkel na katibu mkuu wa Umoja wa Mataifa Ban Ki-moon , washiriki wanamatumaini mkutano huo huenda ukawa mwanzo wa kufanya mabadiliko.

Matarajio

"Matarajio ya mkutano huwo taratibu yamepungua. Bado tuna hisia kwamba kuna hali ya nia njema katika mkutano huwo wa Istanbul. Pia tuna mawazo ya wastani kwa kile kinachoweza kufikiwa, " amesema Rob Williams, mtendaji mkuu wa asasi ya mtoto wa vita, ambayo inasaidia na kuwalinda watoto duniani kote walioathirika na mizozo.

Idadi ya watu duniani ambao wanatambua kwa dhati vipi mfumo wa utoaji misaada umeshindwa ni ndogo mno," ameliambia shirika la habari la AFP katika mahojiano ya simu.

Guinea MSF Ärzte ohne Grenzen Einsatz gegen Ebola

Madaktari wasio na mipaka wakitoa msaada wa matibabu kwa wagonjwa wa Ebola Guinea

"Iwapo idadi hiyo ya watu itaongezeka wakati wa mkutano huo itakuwa bora zaidi. Lakini nafikiri tumo katika siku za mwanzo mwanzo kwa dunia kuwa wakweli."

Amesema mfumo wa sasa wa utoaji misaada ya kiutu "imeshindwa kuwasaidia watoto kwa kiwango kikubwa" na mkutano huwo unapaswa kuwa na makubaliano dhabiti kutoa adhabu kwa makosa ya kivita , kuimarisha elimu kwa watoto na kulinda hali yao katika makambi.

Mwandishi : Sekione Kitojo / afpe

Mhariri: Yusra Buwayhid

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com