1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MINSK: Belarusia imepeleka ujumbe Russia kushauriana kuhusu malipo ya gesi

Belarusia imepeleka ujumbe mjini Moscow kujaribu kutanzua mzozo kuhusu malipo ya gesi inayouziwa na Rusia.

Afisa wa wizara ya nishati wa Belarusia amesema ana imani kwamba mzozo huo utapatiwa ufumbuzi kabla ya mwisho wa mwaka.

Hata hivyo, afisa huyo hakusema endapo serikali yake itayakubali matakwa ya kampuni ya Gazprom iliyoongeza ada hiyo kwa asilimia mia mbili.

Kampuni hiyo imetishia kukatiza huduma yake kwa Belarusia Januari mosi endapo nchi hiyo haitaridhia nyongeza ya bei iliyowekwa.

Nayo Belarusia imetishia kuizuia Russia kupitishia nchini humo gesi inayouzia mataifa ya Ulaya.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com