1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

MEZT: Watu 12 wauwawa katika ajali ya treni

Watu takriban 12 wameuwawa leo na wengine 21 wamejeruhiwa katika ajali ya treni karibu na kijiji cha Zoufftgen kaskazini mwa Ufaransa. Ajali hiyo ilitokea wakati treni ya abiria ilipogongana na treni ya mizigo katika eneo hilo.

Duru zinasema abiria tisa, wafanyakazi wawili wa treni na mtu mmoja aliyekuwa akiyafanyakazi ya reli ni miongoni mwa waliouwawa. Ajali hiyo imetokea karibu na mpaka kati ya Ufaransa na Luxembourg.

Treni ya abiria ilikuwa njiani kuelekea mjini Nancy Ufaransa ikitokea Luxembourg, ilipogongana na treni ya mizigo iliyotokea mjini Thionville Ufaransa ikielekea Luxembourg.

Ajali hiyo imetokea mahala ambapo ukarabati wa reli ulikuwa ukiendelea.

Inahofiwa idadi ya vifo huenda ikaongezeka huku baadhi ya abria wakiwa bado wamekwama ndani ya mabehewa.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com