1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

UJERUMANI YAAMUA

Merkel ashinda, Schulz akubali kushindwa

Kansela Angela Merkel wa Ujerumani anaonekana kuelekea kushinda kwenye uchaguzi wa leo, lakini akiwa anapoteza viti vingi zaidi ya hapo kabla na huku chama cha siasa kali cha AfD kikija juu kwa kasi.

Kansela Angela Merkel anaonekana kuumizwa kwenye uchaguzi huu kwa kupoteza asimilia kadhaa, lakini bado ndiye mwenye nafasi ya kuongoza muhula wa tatu wa ukansela.

Lakini nani atamchukuwa kuwa mshirika wake kwenye serikali ya mseto?

Tayari mgombea wa Social Democrat (SPD), Martin Schulz, ametangaza kukubali kushindwa lakini akiweka wazi kuwa hatajiunga na serikali ya mseto, na badala yake ataongoza upinzani. 

SPD imepoteza asilimia 5.3 kulinganisha na ushindi wake wa awali, huku chama cha siasa kali za mrengo wa kulia, AfD, kikiongeza asilimia 8.3 kwenye bunge la shirikisho, Bundestag.

Kansela Merkel amesema kwamba alitazamia ushindi mkubwa zaidi, lakini wapigakura wameamua kuwa Ujerumani inapaswa kuongozwa kwa ushirikiano wa vyama. Na sasa kinachosubiriwa ni muungano upi utaongoza.

Zaidi angalia hapa: http://www.dw.com/sw/idhaa-ya-kiswahili/s-11588

 

 

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com