1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Mazungumzo ya mzozo wa uchumi Ulaya

Mawaziri wa fedha wa nchi zinazoitumia sarafu ya euro wamekutana mjini Virostlav nchini Poland kwa mazungumzo ya siku mbili kuhusu mzozo wa madeni katika nchi zao

default

Ni majadiliano kuhusu sarafu ya euro

Mawaziri hao wa fedha waliamua kuahirisha uamuzi kuhusu uwezekano wa mkopo wa pili kwa Ugiriki hadi mwezi Oktoba.

Griechenland George Papandreou

Waziri mkuu wa Ugiriki George Papandreou

Rais wa kundi la mataifa hayo Jean Claude Juncker amesema Umoja wa Ulaya na shirika la fedha la kimatiafa IMF zinahitaji kuona mageuzi yakiendelezwa nchini Ugiriki kabla ya kutolewa awamu nyengine ya mkopo.


Wakati huo huo waziri wa fedha wa Marekani Timothy Geithner ambaye alihudhuria mazungumzo hayo, ameziomba nchi zinazotumia sarafu ya euro kuendeleza mipango itakayoinua uchumi wa nchi hizo badala ya kuangalia sana tatizo la matumizi ya serikali.

ECOFIN Treffen Breslau Timothy Geithner

Waziri wa fedha wa Marekani Timothy Geithner

Mawaziri walipinga vikali matamshi hayo na kuiambia Marekani kutatua matatizo yake. Nje ya mkutano huo, kiasi ya waandamanaji 40,000 wanaopinga hatua za kubana matumizi walikwamisha shughuli katika mji huo hapo jana.

Mazungumzo hayo yalilazimika kumalizika mapema kutokana na maandamano hayo.

Wakati huo huo waziri wa fedha wa Ujerumani kwa mara nyengine tena ametoa wito wa kutozwa kodi kwa biashara za fedha miongoni mwa nchi 17 zinazotumia sarafu ya euro.

Wolfgang Schäuble ameliambia gazeti la kila jumapili nchini Ujerumani la Bild am Sontag kuwa kodi hiyo itapangwa baadaye mwaka huu licha ya upinzani kutoka mataifa kama vile Marekani na Uingereza.

Deutschland Bundesfinanzminister Wolfgang Schäuble zu Urteil Bundesverfassungsgericht

Waziri wa fedha wa Ujerumani Wolfgang Schaeuble

Waziri mwenzake wa Ubelgiji, Didier Reynders alimuunga mkono akisema kuwa kodi hiyo inahitajika kuyatuliza masoko.Waungaji mkono hatua hiyo kama vile Ujerumani, na Ufaransa zinaamini kuwa kodi hiyo itasitisha ulanguzi,na kusaidia kupatikana fedha zitakazoweza kutumika kutoa mikopo kwa mabenki katika wakati wa mizozo katika siku zinazokuja.

Wapinzani wanalalamika kuwa kodi ya aina hiyo itahamishia biashara kwenye masoko ya nchi ambazo hazitozi kodi.

Mwandishi Maryam Abdalla/all
Mhariri:Kitojo Sekione

  • Tarehe 18.09.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/12bOb
  • Tarehe 18.09.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/12bOb

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com