1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Mary Robinson Ziarani DRC

Mjumbe mpya maalum wa Umoja wa Mataifa kwaajili ya kanda ya maziwa makuu Mary Robinson amesema mkataba wa hivi maajuzi wa amani unaojumuisha nchi 11 za kanda hiyo umeonyesha uwepo wa matumaini ya amani katika eneo hilo.

Mary Robinson (UN-Hochkommissarin für Menschenrechte) am 29.4.2013 in Kinshasa mit Raymon Tshibanda (Außenminister der Demokratischen Republik Kongo) Foto: DW-Korrespondent in Kinshasa, Saleh Mwanamilongo

Mary Robinson und Raymon Tshibanda

Mary Robinson aliyekuwa rais wa Jamhuri ya Ireland kabla ya kupata wadhiwa wake mpya mwezi uliopita, amekuwa na changamoto kubwa ya kuhakikisha kuwa amani inapatikana katika Jamhuri ya Kidemokrasia ya Kongo, ambayo imekuwa ikikumbwa na mizozo kwa zaidi ya miongo miwili sasa.

"Wakaazi wa kanda hii ndio watakaofaidika na utekelezwaji wa makubaliano hayo ya matumaini. Nitaomba msaada wa jumla kwa mashirika ya kiraia, mashirika ya wanawake, vijana na makundi ya kidini ya kanda hii ili waweze kushawishi serikali zao katika utekelezwaji wa mkataba wa Addis Abeba,” Alisema Mary Robinson.

Rais wa Jamhuri ya kidemokrasia ya Congo Joseph Kabila

Rais wa Jamhuri ya kidemokrasia ya Congo Joseph Kabila

Mnamo February mwaka huu, mataifa 11 ya Afrika yalitia saini mkataba wa amani ambao ulinuia kumaliza vita na kuleta udhabiti katika Jamhuri ya kidemokrasia ya kongo, nchi ambayo imekuwa mara kwa mara ikishambuliwa na waasi mbali mbali ambao waliosababisha mauaji ya watu wengi na kuwabaka wanawake katika eneo hilo.

Mjumbe mpya maalum wa Umoja wa Mataifa kwa ajili ya kanda la maziwa makuu Mary Robinson ambaye alianzia ziara yake ya wiki moja barani Afrika mjini Kinshasa hapo jana anatazamiwa pia kuzuru Rwanda, Uganda, Burundi, na Afrika Kusini

Robinson atamalizia ziara hiyo katika makao makuu ya Umoja wa Afrika mjini Addis Ababa Ethiopia.

M23 waanza mafunzo ya kijeshi

Huku hayo yakiarifiwa waasi wa M23 mashariki mwa Jamhuri ya kidemokrasia ya kongo wamesema mamia ya wanajeshi wake wako katika mafunzo maalum ya kijeshi ili kukabiliana na kikosi kipya cha kulinda amani cha Umpoja wa Mataifa.

Waasi wa M23

Waasi wa M23

Akizungumza na shirika la habari la AFP msemaji wa jeshi la waasi hao Vianney Kazarama amesema takriban makamanda 462 wanapokea mafunzo hayo katika eneo la Rumangabo ambayo ni kambi kubwa ya jeshi katika mkoa wa Kivu ya Kaskazini. Kazarama amesema nia yao ni kuwaweka tayari kukabiliana na wanajeshi wa Umoja wa mataifa na kujilinda.

Kikosi cha Kulinda amani cha Umoja wa Mtaifa kitajumuisha wanajeshi 3000 kutoka mataifa ya kusini mwa Afrika na kuongozwa na Jenerali wa Tanzania.

Hata hivyo waasi wa M23 ambao serikali ya Kongo na tume ya wataalam ya Umoja wa Mataifa wamesema wanapata usaidizi kutoka kwa serikali ya Rwanda inatuhumiwa kwa kuhusika na visa kadhaa vya uhalifu katika Jamhuri ya kidemokrasia ya Kongo hatua iliowafanya vipongozi wake kuekewa vikwazo na Umoja wa Mataifa.

Mwandishi: Amina Abubakar

Mhariri: Daniel Gakuba

Sauti na Vidio Kuhusu Mada

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com