1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Makamo wa Rais wa Marekani Dick Cheney kuzuru Mashariki ya Kati

Ikulu ya Marekani imetangaza kwamba Makamo wa Rais wa Marekani Dick Cheney atafanya ziara Mashariki ya Kati hapo Jumapili.

WASHINGTON

Rais George W. Bush amesema mjini Washington kwamba lengo la Cheney ni kuwahikishia watu kwamba Marekani imejifunga kuleta amani Mashariki ya Kati.

Cheney anatazamiwa kutembelea Israel na Ukingo wa Magharibi lakini anakabiliwa na matatizo mapya.Israel hapo jana imetangaza kwamba inatanuwa makaazi mapya ya walowezi wa Kiyahudi hususan katika eneo la Jerusalem ya Mashariki linalokaliwa kwa kiasi kikubwa na Waarabu.Machafuko ya umwagaji damu karibu na ndani ya Gaza pia yameongezeka katika wiki za hivi karibuni.

Marekani hapo jana imekosowa mpango huo wa Israel kujenga makaazi mapya ya walowezi wa Kiyahudi na Katibu Mkuu wa Umoja wa Mataifa Ban Ki-moon amesema mpango huo unakiuka mpango wa ramani ya amani Mashariki ya Kati na sheria ya kimataifa.

Jumuiya ya kimataifa pia imeshutumu mpango huo na kuonya kwamba unaweza kukwamisha juhudi za kuanzisha upya mazungumzo lege lege ya amani.

Katika ziara yake hiyo Makamo wa Rais wa Marekani Cheney pia anatazamiwa kutembelea Uturuki,Oman na Saudi Arabia ambapo anategemewa kuzungumzia wasi wasi wa Marekani juu ya bei za mafuta kutokana na bei ya mafuta ghafi hapo jana kuweka rekodi mpya wakati fulani kwa kufikia dola 108 kwa pipa.

  • Tarehe 11.03.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/DMMY
  • Tarehe 11.03.2008
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/DMMY

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com