1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Makabiliano katika ikulu Tunisia

Jeshi la Tunisia linakabiliana na walinzi wa aliyekuwa rais wa nchi hiyo. Pameripotiwa ufyatulianaji risasi karibu na ikulu mjini Carthage.

default

Serikali ya mpito Tunisia inatarajiwa kutangazwa leo

Kabla ya makabiliano hayo ya risasi hapo jana jioni, hali ya usalama nchini humo iliimarika na hali ya hatari iliyotangazwa siku ya Ijumaa, ilipunguzwa kuwa amri ya kutotembea usiku. Serikali ya mpito inatarajiwa kutangazwa hii leo na itajumuisha wanachama wa vyama vitatu vya upinzani badala ya wanachama wa chama tawala kilichokuwepo.Hapo awali rais wa mpito aliapishwa na alimuomba waziri mkuu, kuunda serikali ya umoja wa kitaifa, ikijumuisha pia wajumbe kutoka vyama vya upinzani.

Übergangspräsident Mebazaa Tunesien

Rais wa mpito Fouad Mebazaa

Kuapishwa Rais Mebazaa

Rais wa muda wa nchi hiyo, Fouad Mebazaa, aliapishwa baada ya Ben Ali na familia yake kukimbilia nchini Saudi Arabia. Hapo jana Waziri Mkuu Mohammed Ghannouchi alikuwa na majadiliano na vyama vyote vya kisiasa kuhusu uundaji wa serikali. Wakati huo huo, taarifa ambazo bado hazijathibitishwa zinasema kuwa aliyekuwa Waziri wa Mambo ya Ndani, Rafik Belhajj, pamoja na Mkuu wa Kikosi Maalum cha Rais wanashikiliwa na polisi na huenda wakafikishwa mahakamani kwa kuchochea machafuko ambayo hadi sasa yamechukuwa maisha ya watu 90.

Ben Ali mkimbizi wa kisiasa

Zine El Abidine Ben Ali

Kwa upande mwengine, Saudi Arabia imenyamaa kimya juu ya shughuli za Rais wa Tunisia aliyeikimbia nchi yake, Zine al-Abidine Ben Ali, na kwenda Jeddah. Inasekana Saudi Arabia inampokea Ben Ali kama mkimbizi wa kisiasa na sio kama mkuu wa nchi, hataruhusiwa kutoa taarifa za kisiasa au kuendesha shughuli za kisiasa, na kwa mujibu wa mchambuzi mmoja hataruhusiwa kuwasiliana na mtu yeyote huko Tunisia.

Mwandishi: Maryam Abdalla, Khelef Mohammed /Dpa/Rtre

  • Tarehe 17.01.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/zyUI
  • Tarehe 17.01.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/zyUI

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com