1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Maandamano yapinga ubaguzi wa rangi

Nchini Marekani,maelfu ya watu wameandamana katika mji wa Jena,kwenye jimbo la Louisiana kupinga ubaguzi wa rangi.

Wanaharakati wakiandamana kupinga kesi ya wanafunzi 6 weusi wa shule ya Jena,Louisiana

Wanaharakati wakiandamana kupinga kesi ya wanafunzi 6 weusi wa shule ya Jena,Louisiana

Maandamano hayo yamefanywa kulalamika kuhusu mashtaka ya uhalifu yaliyotolewa dhidi ya wanafunzi sita weusi waliompiga na kumjeruhi mwanafunzi mweupe katika ugomvi uliotokea shuleni katika mji mdogo wa Jena.Wanafunzi hao sita weusi wameshtakiwa mahakamani.Wafanya maandamano wanasema,kesi hiyo ni ishara ya sheria inayobagua weusi.

Ugomvi ulizuka baada ya mwanafunzi mmoja mweusi kwenda kukaa chini ya mti ulio katika uwanja wa shule,ambako wanafunzi weupe hukaa.Siku ya pili yake,vitanzi vilining´inizwa kwenye mti huo. Nchini Marekani,kitanzi ni alama inayotumiwa na wabaguzi weupe kuhusika na matumizi ya nguvu.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com