1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Maandamano yaendelea Tunisia

Kiasi waandamanaji 1,000 kutoka maeneo ya vijijini ya Tunisia ya kati, wanaotaka kujiuzulu kwa serikali ya mpito, leo wamewasili kwenye mji mkuu wa nchi hiyo, Tunis.

default

Rais wa mpito wa Tunisia, Foued Mebazaa (Kulia) na Waziri Mkuu, Mohamed Ghannouchi

Waandamanaji hao kutoka mkoa masikini wa wakulima ambao ndio walichochea maandamano dhidi ya utawala wa kimabavu mwezi uliopita, wanataka kujiuzulu kwa serikali iliyochukua nafasi baada ya kuondolewa madarakani, Zine El Abidine Ben Ali.

Tunesien Unruhen Demonstration Ben Ali Tunis 20.01.2011

Waandamanaji wakiwa katika mitaa ya mji mkuu wa Tunisia, Tunis

Wakiandamana katikati mwa Tunis, waandamanaji hao wamesema wamekwenda kwenye mji huo kuiondoa madarakani serikali. Maandamano hayo ya ukombozi yalianza jana kwenye mji wa Menzel Bouzaiane, ambako mtu wa kwanza aliuawa katika maandamano ya kupinga utawala wa Ben Ali.

Kumekuwa na maandamano ya kila siku katika siku za hivi karibuni, kutaka kujiuzulu Waziri Mkuu Mohammed Ghannouchi, ambaye amekuwa katika wadhifa huo tangu mwaka 1999 na ameendelea kubakia madarakani, licha ya kuanguka kwa Ben Ali.

Waandamanaji hao pia wanataka kuvunjwa kwa kilichokuwa chama tawala cha RCD, ambacho kilitawala siasa za Tunisia kwa miongo kadhaa.

Mwandishi: Grace Patricia Kabogo (AFPE)
Mhariri: Hamidou, Oummilkheir

  • Tarehe 23.01.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/101Bn
  • Tarehe 23.01.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/101Bn

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com