1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LUSAKA : Chiluba hospitalini baada ya kuzirai

Rais wa zamani wa Zambia Fredrick Chiluba amelazwa hospitalini baada ya kuzirai hapo jana ikiwa ni siku chache kabla ya kufanyiwa ukaguzi wa matibabu kuona iwapo ana afya ya kutosha kuweza kukabili kesi ya rushwa.

Msemaji wake Emmanuel Mwamba amesema Chiluba ambaye huko nyuma aliwahi kutibiwa kwa matatizo ya moyo wakati akiendelea kuchunguzwa ameanguka na kupoteza fahamu wakati akiwa kitandani mwake.

Mwamba ameliambia shirika la habari la Uingereza la Reuters kwamba madaktari bado wanaendelea kuchukuwa vipimo mbali mbali vya uchunguzi kuyakinisha sababu za kupoteza fahamu kwake.

Chiluba mwenye umri wa miaka 64 alikuwa achunguzwe na madaktari wa Zambia hapo Jumatatu kuona iwapo ni mzima wa afya kuweza kukabili kesi hiyo ya rushwa iliokwama hapo mwezi wa Mei mwaka 2001 kutokana na hali yake ya afya kuwa mbaya.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com