1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LONDON:Tonny Blair kung´atuka rasmi uwaziri Mkuu

Waziri Mkuu wa Uingereza Tonny Blair muda mfupi ujayo anastaafu kutoka katika nafasi hiyo na kumpisha waziri wa fedha Gordon Brown kuwa Waziri Mkuu mpya wa Uingereza.

Muda mfupi baadaye Tonny Blair anatarajiwa kutangazwa kuwa mjumbe maalum katika mzozo wa mashariki ya kati.

Pande nne zinazoshughulika na kusaka amani katika mashariki ya kati, zilimaliza mazungumzo yao mjini Jerusalem bila ya kumtangaza mjumbe mpya atakayesimamia utafutaji wa amani katika eneo hilo.Tonny Blair alikataa kuzungumzia juu ya uvumi huo wa yeye kuchukua nafasi hiyo.

Hata hivyo mwakilishi wa Umoja wa Ulaya katika mazungumzo hayo, alisema kuwa Blair amepewa nafasi kubwa na wajumbe wa mkutano huo, na kwamba uamuzi utatangazwa leo.

Pande hizo nne za kutafuta amani mashariki ya kati zinaundwa na Umoja wa Ulaya, Umoja wa Mataifa, Urusi na Marekani.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com