1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

London.Blair kumkabidhi madaraka Brown.

Waziri wa fedha wa Uingereza Gordon Brown anatarajiwa kuanza kipindi cha kampeni ili kuwa waziri mkuu mpya wa nchi hiyo na kiongozi wa chama tawala cha Labour.

Hii inakuja wakati waziri mkuu wa sasa Tony Blair rasmi amemuidhinisha Brown kuwa mrithi wake kama kiongozi wa chama cha Labour.

Blair ametangaza jana Alhamis kuwa atang’atuka madarakani ifikapo Juni 27.

Amewaambia wafuasi wake kuwa licha ya utata mkubwa uliojitokeza kutokana na majeshi ya Uingereza yaliyojihusisha na vita nchini Iraq , lakini alikuwa kila mara akifanya kile alichohisi kuwa ni sahihi kwa nchi yake.

Wakati huo huo waziri huyo mkuu anatarajiwa kukutana na rais anayeondoka madarakani nchini Ufaransa Jacques Chirac na rais mteule Nicolas sarkozy mjini Paris.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com