1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LONDON: Uingereza kuongeza vikosi vyake Afghanistan

Uingereza inapanga kupeleka vikosi ziada nchini Afghanistan.Taarifa ya waziri wa ulinzi wa Uingereza Des Browne imesema,wanajeshi zaidi watakwenda Afghanistan lakini idadi yenyewe haitotangazwa mpaka siku ya Jumatatu.Hapo awali, vyombo vya habari vya Uingereza viliripoti kuwa hadi wanajeshi 1,000 wengine watapelekwa Afghanistan.Idadi kubwa ya wanajeshi 5,000 wa Uingereza walio nchini Afghanistan wapo katika wilaya ya Helmand,kusini mwa nchi ambako kuna uwezekano wa kukabiliana na mashambulio mapya ya waasi pale barafu itakapoanza kuyayuka katika majuma machache yajayo.Wanamgambo wa Taliban wameapa kuwa wanajeshi wa kigeni nchini Afghanistan mwaka huu,watashuhudia mmwagiko mkubwa wa damu,tangu kupinduliwa kwa Wataliban mwaka 2001.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com