1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LONDON: Tony Blair ataka mbinyo zaidi kwa Mugabe

Waziri Mkuu wa Uingereza Tony Blair amesema atauchagiza Umoja wa Ulaya kuzidhisha mbinyo wa kivikwazo dhidi ya utawala wa Rais Robert Mugabe wa Zimbabwe.

Tony Blair aliliambia bunge la Uingereza kuwa ataliomba pia Baraza la Usalama la Umoja wa Mataifa kutoa kauli kali dhidi ya hali nchi Zimbabwe aliyoiita ni ya kutisha.

Waziri Mkuu huyo wa Uingereza pia alitoa wito kwa viongozi wa nchi jirani na Zimbabwe, kusaidia kumshurutisha Mugabe kuwa na utawala Bora

Kiongozi wa Chama Kikuu cha Upinzani nchini Zimbabwe Morgan Tsvangirai alikuwa miongoni mwa wanachama wa chama hicho waliyojeruhiwa na polisi walipovunja maandamano yao.

Serikali ya Zimbabwe kwa upande wake imekuwa ikisema kuwa watu hao walikuwa wanavunja sheria.

Sikhanyiso Ndlovu Waziri wa habari wa Zimbabwe amesema kuwa watu hao walishughulikiwa kwa mujibu wa sheria za nchi hiyo, na kwamba walikuwa magaidi.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com