1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

London. Tony Blair amthibitisha Gordon Brown kama mrithi wake.

Waziri mkuu anayeondoka madarakani nchini Uingereza Tony Blair amemuidhibisha rasmi waziri wake wa fedha Gordon Brown kumrithi kama kiongozi wa chama cha Labour na waziri mkuu.

Akizungumza mjini London, Blair amesema kuwa anamuunga mkono kwa dhati Brown.

Hii inakuja wakati Brown amezindua rasmi kampeni yake ya uchaguzi mbele ya waungaji wake mkono mjini London.

Blair ametangaza siku ya Alhamis kuwa atajiondoa kutoka madarakani ifikapo Juni 27.

Amewaambia wafuasi wake kuwa licha ya utata mkubwa uliojitokeza kuhusu kuhusika kwa majeshi ya Uingereza katika vita vya Iraq, amekuwa kila mara akifanya kile alichohisi kuwa ni sahihi kwa nchi hiyo.

Baadaye leo Ijumaa , waziri mkuu anatarajiwa kukutana na rais anayeondoka madarakani Jacques Chirac na rais mteule wa Ufaransa Nicolas Sarkozy mjini Paris.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com