1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LONDON: Shirika la Amnesty International latoa ripoti ya mwaka

Shirika la kimataifa la kupigania haki za binadamu la Amnesty International limetoa ripoti yake ya mwaka hii leo. Shirika hilo lenye makao yake makuu mjini London Uingereza limezitaka serikali zikatae siasa za uoga na kuwekeza katika taasisi za haki za binadamu ili kuendeleza utawala wa sheria katika ngazi ya kitaifa na kimatiafa.

Shirika la Amnesty International limeorodhesha ukiukaji wa haki za binadamu katika nchi zaidi ya 150 duniani, likizingatia sana ufisadi na umaskini barani Afrika.

Ripoti ya shirika hilo pia imeyashutumu maeneo yanayokabiliwa na mizozo yakiwemo Palestina, Sudan, Afghanistan na Irak.

Ujerumani imeshutumiwa kwa kuhusika kuwasafirisha kisiri washukiwa, wakati washukiwa wa ugaidi waliposafirishwa kwa njia ya siri katika nchi kadhaa na shirika la ujasusi la Marekani, CIA. Tabia ya shirika hilo imeelezwa kuwa utandawazi wa ukiukaji wa haki za binadamu.

Wakati huo huo, wanajeshi wa Israel na walowezi wa kiyahudi wamelaumiwa na shirika la Amnesty International kwa ukiukaji mkubwa wa haki za binadamu wakati wa vita vya Lebanon mnamo mwaka jana.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com