1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LONDON: Prescott asema atajiuzulu

Naibu waziri mkuu wa zamani nchini Uingereza, John Prescott, amethibitisha leo kwamba atajiuzulu kama mbunge wakati wa uchaguzi ujao wa bunge.

Prescott mwenye umri wa miaka 69, aliwaambia wafuasi wake katika eneo analoliwakilisha bungeni la Hull Mashariki lililo kaskazini mwa Uingereza kuhusu kutaka kujiuzulu kwenye karamu iliyofanywa mwishoni mwa juma.

Katika taarifa aliyoitoa leo, John Prescott amesema imekuwa heshima kwake kuwatumikia wakaazi wa Hull Mashariki kwa miaka 37 na ataendelea kufanya hivyo hadi uchaguzi mkuu ujao nchini Uingereza.

Prescott anatarajiwa kuwajulisha rasmi wanachama wa eneo hilo kuhusu uamuzi wake kwenye mkutano uliopangwa kufanyika tarehe 16 mwezi ujao.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com