1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

London. Mshirika la Litvinenko haoneshi dalili ya kuugua.

Maafisa wa afya mjini London wamesema kuwa mtu wa karibu wa jasusi wa zamani wa Urusi Alexander Litvinenko haoneshi ishara za kupatwa na sumu ya miale baada ya kufanyiwa uchunguzi na kukutwa na miale hiyo ya Polonium 210.

Mshauri wa Kitaliani wa usalama Mario Scaramella alikutana na Litvinenko katika mkahawa mmoja mjini London Novemba mosi muda mfupi kabla ya kuugua na kufariki.

Scaramella alipelekwa hospitalini mjini London siku ya Ijumaa baada ya miale kugundulika mwilini mwake.

Mjane wa Litvinenko pia amepatikana na miale hiyo. Maafisa wa Uingereza wanachunguza watu 24 na kupekua maeneo kadha yanayohusiana na tukio hilo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com