1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LONDON : Mjane wa Litvinenko azungumza kwa mara ya kwanza

Mjane wa mpelelezi wa zamani wa Urusi aliyeuwawa kwa kupewa sumu Alexander Litvinenko anaamini kwamba maafisa wa serikali ya Urusi yumkini wakawa wamehusika na kifo cha mume wake.

Kwa mujibu wa mahojiano na gazeti la Uingereza la Mail litolewalo kila Jumapili Marina Litvinenko ingawa hakumuelekezea kidole cha shutuma moja kwa moja Rais Vladimir Putin wa Urusi amedokeza kwamba kutokana na hali ya kisiasa iliopo hivi sasa nchini Urusi inafanya kitendo hicho kiwezekane.

Marina Litvinenko amesema anaamini kwamba wapelelezi wa Uingereza watawatambuwa wauuaji wa mume wake na kuongeza kusema wamba hana imani na wapelelezi wa Urusi kwa kuwa haamini kuwa wataeleza ukweli.

Mjane huyo pia amesema kwamba maisha nchini Uingereza yaliwadanganya kwa kuhisi kuwa wako salama.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com