1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

LONDON : Chissano ashinda tuzo ya Mo Ibrahim

Rais wa zamani wa Msumbiji Joaquim Chissano ameshinda tuzo ya kwanza ya Mo Ibrahim ambayo hutunukiwa kiongozi wa mataifa ya Afrika kutoka na uongozi mzuri uliotia fora.

Chissano ambaye anapongezwa kwa kuleta amani nchini Msumbiji amekuwa akiwekewa matumaini makubwa ya kunyakuwa tuzo hiyo.Tuzo hiyo iliotangazwa na Katibu Mkuu wa zamani wa Umoja wa Mataifa Kofi Annan ina thamani ya dola milioni tano.

Tajiri wa simu za mkono Mo Ibrahim anadhamini mradi wa tuzo hiyo kwa matumaini ya kusaidia kuboresha utawala bora barani Afrika.

Chissano ameitowa Msumbiji kwenye dimbwi la umwagaji damu la vita vya wenyewe kwa wenyewe na kuingiza kwenye amani na maendeleo wakati wa uongozi wake wa miaka 19.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com