1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Siasa za Marekani

Kwa nini dunia haitabadilika kwa ushindi wa Trump

Jambo muhimu kwanza:Uchaguzi huru ni sehemu ya democrasia. Matokeo ya uchaguzi pia lazima yakubaliwe iwapo unampenda mshindi au la. Hasa katika hali ya mgawanyiko ni vizuri ili kuthibitisha mapenzi ya wapiga kura

Uchaguzi ni Uchaguzi

Kutoka  uchochezi wa hisia hadi uhalisia wa mambo. Wakati wa kampeini  wagombea hutumia mbinu zote hata kama ni kupakana matope ili mradi tu waibuke na ushindi. Lakini baada ya ushindi ni wakati wa kuridhiana na kuleta taifa pamoja. Donald Trump alijaribu hilo katika hotuba yake ya kwanza. Hilo linatokana na kauli mbiu kuwa  mtu habadili  ofisi  lakini wadhifa anaoshikilia unambadili. Aliyekuwa waziri wa kigeni wa Ujerumani Joscka Fischer tayari anaweza kuthibitisha haya. Trump ni mfanyibishara na atabadilika haraka kuweza kuona uhalisia ya mambo.

USA Präsidentschaftswahl Wahlparty der Republikaner in New York (Getty Images/C. Somodevilla)

Wafuasi wa Trump wakisheherekea ushindi wake

Ugunduzi wa uhusiano uliokuwa umepotea

Trump ni kiongozi wa  tabaka la kati nchini Marekani. Tabaka ambalo limeathirika  kijamii na kiuchumi  katika kipindi cha miaka kadhaa iliyopita. Utawala uliko madarakani haukutilia maanani tabaka hilo la watu kwa miaka mingi. Kuvunjika moyo na kuhisi kuupuzwa kwa tabaka hilo katika taifa hilo lilofahamika kutokana na viwanda vyake  ulimfanya Trump kupata kura nyingi  ili kuwa mwakilishi wao  na kuhakikisha anarejesha nafasi zaidi za  kazi .

Uwekezaji wa ndani

Hakuna sera nzuri au sera mbaya muhimu ni inavyotekelezwa kuimarisha uchumi. Kauli mbiu ya Trump ya matumaini na mabadiliko  imeleta mwanko mpya  katika utawala wa Marekani.Inalenga kubadili sera za taifa, kuboresha miundo ya msingi kwa mfano mashule badala ya serikali kujitosa katika vita kama za Syria na Iraq. Sera za kiuchumi za Trump ndizo zitaamua mafanikio yake.

USA Präsidentschaftswahl Wahlparty der Demokraten in New York (picture-alliance/dpa/A. Gombert)

Waliomuunga mkono Hillary Clinton

Mwanzo mpya kwa Marekani.

Marekani chini ya Rais Donald Trump ina nafasi nzuri ya kubadili mambo.Idadi kubwa ya waliompigia kura Trump inatumai hilo.Baadhi ya wachambuzi ambao wanamdhamini ushindi ambao haukutazamiwa wa bilionea huyo  wanasema ushindi huo ni kama kilio cha uhuru. Mpasuko mkubwa  wa miaka mingi nchini Marekani  ambao unaonekana umeimarishwa na Ushindi wa Trump,unatoa  nafasi nzuri ya kuyabadili  maisha ya Wamarekani sio tu walio Manhattan hadi  San Francisco lakini pia wananchi wa kawaida walio kusini na kati magharibi.Trump lazima atekeleze ahadi zake

Mwandishi:Jane Nyingi/Listicle-Wagener, Volker
Mhariri: Iddi Ssessanga

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com