1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KUFA: Moqtada al-Sadr amejitokeza hadharani Iraq

Kiongozi wa Kishia mwenye msimamo mkali,Moqtada al-Sadr amejitokeza hadharani nchini Iraq kwa mara ya kwanza,baada ya miezi kadhaa.Maafisa wa Kimarekani hapo awali walisema,kiongozi huyo alikimbilia Iran mwezi wa Januari,kabla ya vikosi vya Marekani kuimarisha operesheni zake katika mji mkuu wa Iraq,Baghdad.Habari hiyo haijawahi kuthibitishwa.Moqtada al-Sadr,akizingirwa na walinzi na wasaidizi wake,alihudhuria Sala ya Ijumaa mjini Kufa,mashariki mwa Iraq.Sadr ni kiongozi wa kundi la wanamgambo wa madhehebu ya Kishia liitwalo,Jeshi la Mehdi ambalo hulaumiwa kuhusika na baadhi ya mauaji ya kimadhehebu nchini Iraq. Alipokuwa mafichoni,Sadr aliwatoa mawaziri sita wanaomuunga mkono,kutoka serikali ya Iraq,katika juhudi ya kumshinikiza Waziri Mkuu Nouri al Maliki kupanga tarehe ya kuondosha vikosi vya Marekani nchini Iraq.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com