1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Kinshasa.Kabila aongoza kwa asilimia 60 ya matokeo .

Kwa mujibu wa matokeo yaliyotangazwa leo asubuhi, kufuatia duru ya pili ya uchaguzi wa rais katika Jamhuri ya Kidemokrasia ya Kongo, Rais anaemaliza muda wake Joseph Kabila anaongoza kwa asilimia 60.7, dhidi ya asilimia 39.3 za Jean –Piere Bemba baada ya kuhesabiwa kura kutoka vituo 112 kati ya 169 vya upigaji kura.

Hata kabla ya matokeo jumla kujulikana, kambi ya Jean-Piere Bemba anazungumzia juu ya makosa na udanganyifu.

Kamisheni kuu ya uchaguzi inatazamiwa hii leo kuchunguza madai ya Umoja wa Mataifa kuhusiana na baadhi ya makosa yaliyotokea.

Leo Adhuhuri, kundi la vijana lilitia moto mipira ya magari mjini Kinshasa.

Polisi waliojaribu kuwatawanya vijana hao walirushiwa mawe.

Matokeo rasmi yanatazamiwa kutolewa hadi ifikapo November 19 ijayo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com