1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Kinshasa. Mtalii afariki.

Wafanyakazi wa uokozi wameupata mwili wa mtalii kutoka China jana Jumamosi ambaye alianguka na kufariki katika volcano katika jamhuri ya kidemokrasi ya Congo siku ya Ijumaa.

Mtalii huyo mwanamke alianguka kiasi cha mita 140 wakati akijaribu kuchukua picha za kumbukumbu katika bwawa hilo la volcano kiasi cha mita 1,200 karibu na mlango wa volcano hiyo, mtaalamu wa mambo ya Volcano Jacques Durieux kutoka Ufaransa ameliambia shirika la habari la AFP kutoka katika eneo la Nyiragongo, ambalo volcano yake ililipuka mwaka 2002.

Mwanamke huyo kutoka Hong Kong hakutajwa jina lake. Alikuwa akisafiri pamoja na wasaidizi katika mbuga ya taifa ya Virunga wakati ajali hiyo ilipotokea.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com