1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Michezo

Kesi dhidi ya Ecclestone kuendelea hadi Julai

Shahidi mkuu katika kesi inayomkabili kiongozi wa mashindano ya Formula One, Bernie Ecclestone, anatarajiwa kuitwa tena mahakamani kutoa ushahidi wake mwishoni mwa mwezi wa Julai

Mahakama moja ya Ujerumani imefanya uamuzi huo baada ya kumhoji Gerhard Gribkowsky, mtalaamu mmoja wa benki ambaye anatumikia kifungo gerezani kwa kupokea hongo.

Ecclestone, mwenye umri wa miaka 83, alikiri kumlipa Gribkowsky dola milioni 44 lakini akanusha kuwa kitita hicho kilikuwa ni hongo. Jaji anayeendesha kesi hiyo Peter Noll ameyasema hayo wakati akimwachia Gribkowsky baada ya siku tatu za kuwa kizimbani akitoa ushahidi wake katika kesi hiyo. Shahidi huyo sasa atarejea mahakamani tena mnamo Julai 30.

Gerhard Gribkowsky, anadaiwa kupokea hongo kutoka kwa Ecclestone, ataendelea kutoa ushahidi

Gerhard Gribkowsky, anadaiwa kupokea hongo kutoka kwa Ecclestone, ataendelea kutoa ushahidi Julai

Mawakili wa bwenyenye huyo wa F1 wamehoji tangu kuanza kwa kesi yake nchini Ujerumani kuwa Ecclestone alipeana pesa hizo kutokana na hofu na hakuwa na nafasi yoyote nzuri kumliko Gribkowsky, ambaye alikuwa afisa wa benki ya Bayern LB, iliyokuwa na hisa nyingi katika Formula One.

Waendesha mashitaka wamemfungulia mashitaka Ecclestone kwa kumhonga afisa wa umma na kuchochea matumizi mabaya ya fedha. Wanasema lengo la kutoa hela hizo lilikuwa ni kuhakikisha kuwa kampuni yenye makao yake jijini London ya CVC, ambayo Ecclestone aliitaka iwe mwekezaji mkuu, inapata udhibiti wa F1, mchezo ambao ni wenye utajiri mkubwa sana ulimwenguni.

Gribkowsky mwenye umri wa miaka 56 anasisitiza kuwa Ecclestone alikuwa na wasiwasi kuwa angepoteza kazi yake inayomlipa hela nyingi, kama Afisa Mkuu Mtendaji wa mchezo wa Formula One kama mwekezaji mwengine angechukua usukani.

Mwandishi: Bruce Amani/DPA
Mhariri: Mohammed Khelef