1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Kerry afanya mazungumzo kwa siku tatu Mfululizo

Waziri wa mambo ya nje wa Marekani John Kerry leo (04.01.2014) anatarajiwa kuwa na mazungumzo kwa siku ya tatu mfululizo na viongozi wa Israel na Palestina kujaribu kutafuta muongozo wa majadiliano ya mpango wa amani.

US-Außenminister Kerry in Israel mit Premierminister Netanjahu 02.01.2014

Waziri John Kerry na Benjamin Netanyahu

Baada ya zaidi ya saa nane ya mazungumzo siku ya Alhamisi na Ijumaa, Kerry atakutana tena na waziri mkuu wa Israeli Benjamin Netanyahu akitafuta mpango wa kuongoza majadiliano kuelekea katika amani kati ya pande hizo mbili.

Lakini maafisa wa Marekani walioonya hapo awali kwamba hawatarajii maafikiano ya haraka kuwepo wiki hii, wamekubali mpango huo wa amani utachukua muda kupatikana.

John McCain bei Rede in St. Paul

Seneta John Mc Cain

Kerry alikutana na rais wa Palestina Mahmood Abbas kwa saa sita siku ya Ijumaa ana anatarajiwa kufanya tena mazungumzo naye hii leo katika makao yake makuu katika ukingo wa Magharii.

Hata hivyo pande zote mbili Israeli na Palestina zimeonesha kurudi nyuma kwao katika mpango uliopendekezwa na Kerry hata baada ya kuukubali mwezi Julai wakati mazungumzo ya moja kwa moja yalipoanzishwa tena baada ya kukwama kwa siku nyingi.

Kulingana na seneta John McCain wa chama cha Repablikan nchini Marekani, Waisraeli wana wasiwasi mkubwa juu ya usalama wao, iwapo mipaka yao itakuwa maeneo ambayo yatakuwa yanadhibitiwa na Wapalestina.

Kwa upande wake afisa wa ngazi ya juu wa Palestina Yasser Abed Rabbo siku ya Alhamisi alikuwa na shaka juu ya mpango huo wa amani akisema kwamba unaweka mipaka dhidi ya uhuru wa Palestina katika ukingo wa Magharibi.

Kerry asema mchakato mzima ni mgumu

Hata hivyo Waziri John Kerry amekiri mchakato mzima ni mgumu, lakini akasema kila siku wanapiga hatua muhimu. Kando na hilo afisa mmoja aliyekaribu na waziri mkuu wa Palestina Mahmoud Abbas ametupilia mbali mpango wa Kerry kwa kupendelea upande wa Israel.

Netanyahu siku ya alhamisi alionekana kumshambulia Abbas." Najua umejitolea katika kupatikana kwa amani na mimi najua nimejitolea kwa kupatikana amani lakini kwa bahari mbaya kutokana na maneno ya kiongozi wa Palestina, kuna shaka iwapo Israel kweli Wapalestina wamejitolea kutakia amani," Alisema Netanyahu.

US Außenminister John Kerry und Palästinenser Präsident Mahmoud Abbas

Waziri Kerry na Rais Mahmood Abbas

kufuatia suala la kuachiwa kwa wafugwa wa Palestina nchini Israel kama mpango wa kuendelea kwa mazungumzo hayo, Netanyahu amesema kuwa Abbas anawaona magaidi kama mashujaa akisema suala hilo halikubaliki.

Kerry amesema yuko tayari kufanya kazi na pande zote mbili kuachana na tofauti zao na kukubali mpango utakaotoa muongozo wa majadiliano ya amani na kusema kuwa kutahitajika muda zaidi na kujitolea.

Maafisa wa Marekani wamekana kusema kilicho ndani ya mapendekezo ya Kerry lakini wakasema wanatumai kukamilisha hivi karibuni.

Mwandishi: Amina Abubakar/AFP

Mhariri: Sekione Kitojo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com