1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KARBELA :watu wengine 58 waangamia nchini Irak

Watu wasiopungua 58 wameuawa katika shambulio la bomu lililotegwa ndani ya gari katika mji wa Karbala nchini Irak.

Shambulio hilo lilifanyika kwenye kitongoji muhimu cha biashara karibu na sehemu takatifu ya washia. Watu wangine wapatao 170 walijeruhiwa katika shambulio hilo.

Wakati huo huo askari wengine 9 wa Marekani wameuawa.Taarifa iliyotolewa na jeshi la Marekani imefahamisha kwamba askari wanne kati ya hao waliuawa kutokana na mabomu yaliyotegwa njiani na wengine watano waliuliwa katika mapambano na wapinzani .

Habari zaidi kutoka Irak zinasema wapinzani 72 wamekamatwa na majeshi ya Marekani mapema asubuhi leo katika jimbo la Anbar magharibi ya Baghdad.

Wengine walikamatwa katika jimbo la Salahuddin maili 60 kaskazini ya mji mkuu. Watu hao wanatuhumiwa kuwa na uhusiano na mtandao wa kigaidi wa al-Qaida.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com