1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

KARACHI:Benazir Bhutto amerejea nchini Pakistan

Waziri mkuu wa zamani wa Pakistan bibi Benazir Bhutto amewasili mjini Karachi.

Bibi Bhutto amerejea nchini Pakistan kukiongoza chama chake cha Pakistan Peoples Party baada ya kuishi uhamishoni kwa muda wa miaka minane.

Maelfu ya wafuasi wake walikusanyika katika uwanja wa ndege wa mjini Karachi kwa ajili ya kumlaki.

Bibi Benazir Bhutto alikabiliwa na mashtaka ya rushwa wakati alipoondoka kutoka nchini Pakistan mara tu rais Pervez Musharaf alipochukuwa madaraka mwaka 1999.

Rais Musharraf amemuondolea mashtaka hayo bibi Benazir Bhutto lakini mahakama kuu nchini Pakistan inasubiriwa kuamua iwapo msamaha huo unaambatana na sheria.

Hali ya usalama imeimarishwa kufuatia vitisho vya makundi ya Al Qaeda na Taliban kwamba watamuua bibi Benazir Bhutto.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com