Kansela Merkel ziarani kisiwani Cyprus | Matukio ya Kisiasa | DW | 11.01.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Kansela Merkel ziarani kisiwani Cyprus

Kiongozi wa serikali kuu ya Ujerumani asisitiza umuhimu wa kuona juhudi za kuleta amani zinafanikiwa na kuungana upya kisiwa kisiwa cha Cyprus. Mazungumzo kati ya pande zinazohasimiana yanaanza upya kesho.

default

Kansela Merkel na rais Christofias wa Cyprus

Ziara hiyo ya masaa kadhaa imesifiwa na serikali na vyombo vya habari vya Cyprus kuwa ni ya "kihistoria" na yenye "umuhimu mkubwa kisiasa."

Zypern Karte

Ramani ya kisiwa cha Cyprus

Gazeti la kikoministi linaloelemea upande wa serikali Haravgi liliandika kwa kijerumani kichwa cha maneno cha ukurasa wake wa kwanza-Willkommmen-(Karibuni) huku gazeti la mrengo wa kulia Simerini likizungumzia juu ya ziara fupi lakini muhimu.

Katika ziara hiyo ya masaa matano mjini Nicosia-ya kwanza kuwahi kufanywa na kiongozi wa serikali ya Ujerumani katika jamhuri ya Cyprus,kansela Angela Merkel amesifu moyo na juhudi za papo kwa papo za kuzungumza na upande wa kaskazini unaodhibitiwa na Uturuki."Mmedhihirisha nia ya kutaka kufikia maridhiano ambayo mpaka dakika hii kwa bahati mbaya bado haijajibiwa." amesema mwanasiasa huyo wa chama cha Christian Democratic baada ya mazungumzo pamoja na rais wa sehemu inayoelemea upande wa Ugiriki, Dimitris Christofias.

"Sisi nchini Ujerumani na mimi binafsi ,tunajua vilivyo nini tafsiri ya nchi iliyogawika." Amesisitiza na kuelezea matzumaini yake kuiona nchi hiyo ikiungana upya.

Ledra Strasse in Nikosia Zypern

Barabara-Ledra-inayotenganisha Cyprus ya kaskazini na kusini

Rais Christofias amemshukuru kansela Merkel akisema Ujerumani ni mshirika muhimu wa Cyprus katika Umoja wa Ulaya.

Mbali na mazungumzo hayo kansela Angela Merkel alitembelea pia eneo lililotengwa na umoja wa mataifa,alisalia kwa muda katika taasisi ya Goethe na kuzungumza na mkuu wa tume ya Umoja huo kisiwani humo Lisa Buttenheim.

Ziara ya kansela Angela Merkel imesadifu siku moja kabla ya rais wa sehemu ya Cyprus inayoelemea upande wa Ugiriki Demetris Christofias kukutana na mkuu wa sehemu ya kisiwa hicho inayotambuliwa na Uturuki,Dervis Erogku ikiwa mara ya kwanza baada ya kusita kwa muda mrefu mazungumzo ya amani yaliyoanzishwa September mwaka 2008 na Umoja wa mataifa.

Kisiwa cha Cyprus kimegawika tangu mwaka 1974, kufuatia uvamizi wa sehemu ya kaskazini inashikiliwa na Uturuki -ikijibu mapinduzi yaliyoandaliwa na wazalendo wa Cyprus wenye asili ya Kigiriki,wakiungwa mkono na Athens na ambao lengo lao lilikuwa kukiunganisha kisiwa cha Cyprus na Ugiriki.

Mwandishi: Hamidou Oummilkheir/dapd
Mpitiaji: Abdul-rahman

  • Tarehe 11.01.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/zwKI
  • Tarehe 11.01.2011
  • Shirikisha wengine Tuma Facebook Google+
  • Chapisha Chapisha ukurasa huu
  • Kiungo http://p.dw.com/p/zwKI

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com