1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Afrika

Kampeni za uchaguzi nchini Kenya

Wakati wanasiasa nchini Kenya wakiendelea na kampeni zao kuelekea uchaguzi mkuu mwezi Machi, suala la usalama bado linazusha mjadala na wasiwasi katika taifa hilo.

Raia wa Kenya wakati wakijiandikisha kwa ajili ya Uchaguzi ujao

Raia wa Kenya wakati wakijiandikisha kwa ajili ya Uchaguzi ujao

Kampeni zimeanzishwa kuwahamasisha wananchi kuzingatia umuhimu wa usalama wakati na baada ya uchaguzi, hii ni kufuatia kilichojitokeza baada ya uchaguzi wa mwaka 2007 ambapo ghasia zilishuhudiwa takriban katika kila pembe ya taifa hilo la Afrika Mashariki. Hata hivyo waswahili wanasema dalili ya mvua ni mawingu, miezi ya hivi karibuni kumekuwa kukishuhudiwa ghasia ambazo tayari wanasiasa wamekuwa wakinyooshewa kidole kwa kuzichochea jamii zao, yote hayo ni katika kuwania ushindi katika uchaguzi wa mwezi Machi. Je kuna uwiano gani kati ya kampeni na suala la usalama wakati au baada ya uchaguzi? Hilo ni miongoni mwa mengi ambayo Amina Abubakar amemuuliza Profesa Tom Namwamba mchambuzi wa masuala ya kisiasa nchini Kenya. Kusikiliza mazungumzo hayo bonyeza alama ya spika za masikioni hapo chini.

Mwandishi: Amina Abubakar

Mhariri: Josephat Charo

Sauti na Vidio Kuhusu Mada